O Colexio establece ao inicio do ano escolar un obxectivo xeral de curso, que será o fío conductor da Acción Titorial e as celebracións e proxectos a realizar ao longo do curso.

OBXECTIVO XERAL para o curso 2009/2010:

“CAMIÑAR XUNTOS NO PROXECTO COMÚN: SER PERSOA"

e secuénciase e adáptase nas distintas etapas do seguinte xeito:

EDUCACIÓN INFANTIL
  1º CICLO EDUCACIÓN PRIMARIA

• Buscar a autonomía persoal.
• Afianzar a confianza en si mesmos, para ir construíndo a súa autoestima.
• Respectar aos demais e a si mesmos.
• Facerse responsables do seu comportamento dentro do centro.

2º CICLO EDUCACIÓN PRIMARIA

• Acadar unha boa convivencia entre toda a comunidade educativa.
• Implicarnos coas familias para asumir conxuntamente a terefa educativa.
• Coñecer, respectar e aceptar as novas configuracións familiares
• Potenciar a autoestima, o  crecemento do positivo e a integración no grupo.
• Acoller a  diversidade e responder a cada persoa na  súa  orixinalidade
• Buscar solucións á situacións conflictivas a través do diálogo, sendo capaces de canalizar os distintos estados emocionais.
• Crear situacións de aprendizaxe para acadar valores de respecto a nos mesmos e aos demais.
• Crear marcos de referencia dende os que orientar o comportamento, a responsabilidade e o esforzo
• Valorar a cada persoa, cada cultura, para vivir as diferencias coma unha riqueza, poñendo as bases para unha boa relación entre as persoas.
• Intentar que a nosa tarefa educativa sexa personalizada e competencial, que potencie o desenvolvemento da interioridade, das capacidades-habilidades e estimule a formación dun pensamento reflexivo, crítico e creativo.
• Recoñecer e afrontar as consecuencias das propias accións.
• Favorecer o crecemento na fe, dando a coñecer o proxecto de Xesús.
• Seguir incorporando as novas tecnoloxías á nosa vida educativa.

3º CICLO EDUCACIÓN PRIMARIA

Procedementos:

• Fomento dos valores que nos axudan a ser “libres” coma “persoas”.
• Reflexión do que entendemos por ser “PERSOAS”.
• Valoración do traballo compartido.
• Uso do diálogo como instrumento de entendemento.
• Aceptación dos “diferentes”, porque todos somos igual de importantes, sen ter en conta: sexo, raza, lugar de nacemento, crenza relixiosa, minusvalías físicas ou psíquicas.
• Coñecemento dos Dereitos Humanos: os dereitos son de “TODOS”. Saber cales son os dereitos que se recoñecen aos nenos e ás nenas, así coma as causas de que non se respecten.  
• Tomar conciencia do significado de que TODAS AS PERSOAS teñen dereito a VIVIR DIGNAMENTE.
• Valoración do traballo de Organización sociais, e persoas en favor dos máis desfavorecidos.